أذناب الغرب وموضوعي عن الحكومة السعودية وقوانينها

السلام عليكم ورحمة الله وبركاته .

في موضوعي " إرحموا بلاد الحرمين فهي مازالت بلاد جديدة " جاءني في أحد المنتديات الرد التالي :

" وكذلك الدول الأخرى ماوصلت إلى ماوصلت إليه إلا بالعدل وإعطاء كل ذي حقه حقه توظيف اموال الدولة للدولة والشعب مو لإناس معينين لا يتجاوزون 15,000شخص والباقي في حريقة؟
ثروات بلادهم اسثمروها فيما ينفع البلد موفيما ينفع مصالح اشخاص معينين؟

واللبيب بالإشارة يفهم "

نقلت الرد بالحرف مثل ما هو وبدون أي تعديل حتى على الهمزات والفواصل وماشابهها ، وللأسف الشديد الرد كان من شخص سعودي لكنه مسمي نفسه " بحب مصر " !!

والصراحة الرد استفزني لكتابة موضوع جديد عن محتواه !!

هل معقول إنه فيه سعودي بيفكر بهذه الطريقة ؟!!

الصراحة قابلت ناس كثير تفكيرهم حقير وغريب بس أحقر من هذا التفكير وأكثر دناوة ما شفت !!

سؤال يطرح نفسه : ثلاث أرباع الأردنيين والمصاروة والفلسطينيين والهنود والباكستنيين ... إلخ اللي عايشين في بلادهم ألحين عيشات بيحلم فيها الملوك ، ثرواتهم هذه من وين جابوها ؟!!

مش من شغلهم في المملكة العربية السعودية تحت جناح حكومة آل سعود الرشيدة ، واللا أنا غلطان ؟!!

والحكومة هذه اللي مو عاجبة هذا مش هي اللي بتحاول تسعود الوظائف وتجبر الشركات الخاصة على توظيف السعوديين ؟!!

بس هذا وأمثاله مو عاجبيتهم الشركات لإنهم بدهم مكاتب ومكيفات وجرايد يقروها طول وقت الدوام ، يعني ماكل شارب نايم مثله مثل الحيوان الأليف ، يعني صاحب الشركة إذا عنده قط مربيه في البيت وبيصرف عليه أكل وشرب ونوم فهذا وأمثاله يبغون من أصحاب الشركات إنهم يعاملوهم مثل معاملة هذا القط وغيره من الحيوانات الأليفة ، يعني صاحب الشركة يخليه جالس طول اليوم بدون شغل ولا مشغلة ويستلم راتب آخر كل شهر !!

وهذا الوضع والفكر السخيف والفاشل والكسول مش ذنب الحكومة السعودية ، وإنما ذنبه هو وأمثاله وذنب أسلوب تربيتهم اللي عودهم على الكسل والإعتماد على الغير .

الحكومة السعودية اللي مو عاجبة هذا الشئ بتقول له تعال أدرس في معهد مهني أو جامعة وخذ راتب شهري ، في حين إنه في بقية الدول الطالب بيتمنى إنه يحقق معدل مثل الناس على أمل يحصل على استثناء ويتم تخفيف مصاريف الدراسة الجامعية الحكومية عليه ، وحتى في دول الغرب اللي سماها هذا بالعادلة هذولا لما بيدَرْسُوا الطلاب مجاناً فهما ما بيدرسوهم على سواد عيونهم وإنما الطلاب وأهاليهم بيدفعوا دم قلوبهم ضرايب ، وكثير من الغربيين من مجرد ولادة طفل أو طفلة لهم بيقوموا على السريع بفتح حساب بنكي بيسموه " حساب جامعته " بحيث بيصيروا عند لحظة إستلام الراتب كل شهر خلال الـ 18 سنة اللي بيعيشها قبل دخوله الجامعة يحطوا في هذا الحساب نسبة معينة من دخلهم على شان لما يوصل للجامعة يلاقي حساب محترم يقدر يصرف منه على دراسته بدال ما يتبهدل !!
هذا هو العدل اللي بده اياه هذا الشئ اللي حاسب نفسه بني آدم ؟!!

هذه الحكومة السعودية اللي مو عاجبته أصدرت قرار بمنع الأجانب من العمل في الخردة ، لكي تجعل له هو وأمثاله الفرصة لكسب الكثير من المال ، فمجال الخردة بيدخل ذهب واسألوني أنا عنه ، لإني أيام الصف الثاني ثانوي طقطقت في هذه المصلحة بحيث كنت أنا واثنين من أصحابي نطلع بسيارتي (كابريس بكس وقتها ) ونجلس حول ساعتين نجمع حديد وبلاستيك وأسلاك وما شابهها ونروح على سوق الخردة اللي على طريق الخرج عند الدخلة الشرقية لإسكان الخرج مقابل سكن الأمريكان ، ونبيع اللي جامعينه وكان يكفينا ثلاث أو أربع أيام ما بين بنزين ومصاريف ودخان ( كنت وقتها لسه بدخن للأسف الشديد بس الله تاب عليا من هذا السم ولله الحمد ) ، ولما تخلص الفلوس نرجع نطلع نجمع ونبيع وهكذا ، إحنا كنا أخذناها تسلية لكن تخيلوا تجميع في سيارة كابريس وشغل حوالي ساعتين وبيدخل دخل بيكفي مصاريف ثلاث شباب لثلاث أو أربع أيام ، فكيف لو واحد طلع وانيت بحيث يجمع كميات كبيرة ويشتغل على التجميع من بعد أذان الفجر لغاية حول المغرب ، هذا كم ممكن يطلع ؟!!
تأكدوا تماماً إنه خلال سنة بيكون عنده أسطول شاحنات ينقل عليها ، ولسه ترى أصحاب محلات الخردة بيشتروا البضاعة مرة وحدة ( بس كل شئ وله سعره يعني سعر كيلو الحديد غير سعر كيلو النحاس غير سعر كيلو البلاستيك .. إلخ ) وبعدين بيفرزوها ، والمصانع بتبعث تريلات كل فترة تلم منهم اللي إشتروه وطبعاً المصانع بتدفع سعر أكثر لإنه أصحاب المحلات بدهم يكسبوا فبيشتروا بسعر أقل من سعر البيع للمصانع ، فلو الواحد عرف بالضبط أماكن كل مصنع مادة من المواد فبيقدر يكسب أكثر بس يكون عنده خلق إنه يفرز المواد بعد ما يجمعها وقبل ما يودي كل منها للمصنع المناسب .

هذه الحكومة اللي مو عاجبتك إنتا وأمثالك أصدرت قرار بمنع الأجانب من العمل بالخردة على شان تحط كل هذه الأموال والثروات في جيبتكم إنتوا يا الكسالى ، ومو طالبين منكم لا جزاء ولا شكور ، ولا فرضوا عليكم أي ضرايب بس كل المطلوب منكم هو إنكم تشتغلوا وتغرفوا فلوس ، بس وين اللي يسمع ووين اللي يفهم ؟!!

الحكومة اللي مش عاجبتك أصدرت قرار جديد مؤخراً بدفع رواتب شهرية للعاطلين عن العمل ( مع إني في رأيي الشخصي هؤلاء العاطلين ما بيستحقوا لإنه فيه وظائف بس هما اللي ما بدهم يشتغلوا إلا بوظائف فيها قعدة وكسل وقراءة جرايد طول الدوام !! ) وقد يأتي ويتفلسف هو وأمثاله كالعادة بالقول بأنهم في دول الغرب يدفعون رواتب للعاطلين عن العمل وهنا أعود وأكرر قولي الذي ذكرته سابقاً : من الذي يدفع هذه الرواتب للعاطلين هناك فعلياً ؟!!
الذي يدفعها الشعب نفسه عن طريق دفعه للضرائب ، وهون حابب اسأله هو وأمثاله من أذناب الغرب : بتحب إنك كل شهر يطير ثلاث أرباع راتبك ضرائب ؟!!

أكيد لأ طبعاً ، إذاً كُلْ الوشسمه وإنثبر وإنت ساكت ولا يكثر !!

وفي النهاية معليش أعذروني على الإطالة بس رده استفزني من جد ، والصراحة في قلبي كلام أكثر بس حاولت أختصر قدر الإمكان .

ملاحظات مهمة للمتفلسفون اللي لما ما بيلاقوا حاجة يردوا فيها بتكون هوايتهم هي التعرض لشخص كاتب الموضوع :

الملاحظة الأولى : قال صلى الله عليه وسلم : ( وإذا بُليتم فاستتروا ) ، وإنتوا الله بلاكم بصغر العقل والعنصرية فعلى الأقل استروا أنفسكم ولا تفضحوا حالكم بالردود الغبية اللي مالها داعي !!

الملاحظة الثانية : أنا أخوالي سعوديين وعايش في الرياض كل حياتي ، يعني عارف عن شو بتكلم ، فردود من نوع " أهل مكة أدرى بشعابها " مالها مكان هنا ، وبتمنى الإلتزام بالموضوع وعدم الخروج عنه .

تحياتي .